أهمية الشهادات التقنية وكيف تختار الشهادة المناسبة

– متصدقش حد لما يقول “الشهادة الفلانية مالهاش قيمة”

 ناس بتحكم من تجربتها الشخصية جدًا.

 واحد ماشتغلش… فـ يتهم الشهادة!

 ممكن مشكلته كانت CV ضعيف .. ماحلش Labs .. مفيش Projects أو مش بيدور صح على شغل !

– هل الشهادات مهمة؟

 أكيد .. الشهادة وسيلة مش هدف .. بتثبت إن عندك حد أدنى من المهارات الأساسية.

 وكمان مهمة جدًا في بداية طريقك لما يكون CV فاضي !

– الشهادة زي رخصة القيادة

 هل مجرد إنك طلعت رخصة يعني بقيت محترف سواقة ؟ أكيد لاء

 لكن هل تقدر تشتغل سائق من غير رخصة؟ برضه لأ !

– الشركات بتدور على:

 معرفة أساسية .. التزام بالتعلم .. فهم مش حفظ .. الشهادة بتساعدك تثبت ده كله.

– المشكلة مش في الشهادة… المشكلة في الاختيار

 غلط كبير تختار شهادة لمجرد إنها مشهورة .. Trend أو صاحبك قال عليها

– مفيش شهادة أفضل للجميع

 في شهادة “أفضل ليك أنت” حسب هدفك، مش حسب رأي الناس !

– الصح: تبدأ من المسمى الوظيفي اللي عايز توصله.

 افتح LinkedIn Jobs أو Indeed وابحث عن وظيفتك المستقبلية.

 شوف الشركات بتطلب إيه… هتلاقي نفس الشهادات بتتكرر.

المحاضر : المهندس أحمد سلطان

لو بتدرس كورس جديد دي بعض الملحوظات حاول تاخد بالك منها